有月經=有排卵?

2018-04-09


原來唔一定。

喺一般情況下,介乎生育年齡嘅女性每個月都會排出一個卵子,如果冇受精,就會有一次月經。

但係如果出現排卵異常,就有可能出現「無排卵性月經」,喺冇排卵嘅情況下,子宮內膜只有增長變化,最後喺激素水平下降後,子宮內膜脫落成月經。

有排卵嘅月經先算係正常月經,如果大家真係有月經問題,就應該及早搵專科醫生檢查清楚啦!